Eit hus bygd og drive av folket

Halsnøy Kulturhus SA er eit samvirkeføretak eigd av folk på Halsnøy. Huset har ingen faste tilsette og vert halde i gang av menneske som legg ned tid, arbeid og engasjement for lokalsamfunnet.

Det er slik huset vart til. Og det er slik vi ønskjer at det skal halde fram. Alle som brukar huset er med og tek vare på det: vi klargjer, passar på varmen, riggar til, ryddar og vaskar etter oss.

Kulturhuset ligg i Sæbøvik, med utsikt mot sjøen, og rommar ein amfisal med 187 plassar, foajé, kafé, selskapslokale og møterom fordelt på tre etasjar. Inntektene frå utleige og arrangement går uavkorta attende til drift og vedlikehald av huset.